Swartoogtiptol
Pycnonotus barbatus
Vanmôre mis ek die opgewonde,
rinkelende sang van dié bosbewoner.
Dood lê hulle nou van die rottegif
wat in die agtertuin uitgesit is,
kom hulle nie meer na die voerbak nie,
kom drink hulle nie meer die suikerwater
wat vir hulle skuins aan ’n tak hang nie.
Ek dwaal rond met die skuld van doodmaak
en sien hulle liefling Jerusalembessies
aan ’n struik, ryprooi en onaangeraak.
© Johannn Lodewyk Marais, 2026