Posts Tagged ‘Marieta McGrath limeriek’

Marieta McGrath. Orkney Snorkney

Monday, November 15th, 2021

 

Orkney Snorkney

 

Van deftige Dora van Orkney

Mag niemand ooit weet hoe sy snorkney

Sy’s ook te fyntjies

Vir skielike windjies

En sê def’nitief nie die woord forkney

 

© Marieta McGrath, 2021

 

Marieta McGrath. Ouma se afdak

Friday, November 12th, 2021

 

Ouma se afdak

 

As Ouma haar bra vanaand afha’k

En alles wat bo was daar afsak

En swaartekrag trek

Als mooi op sy plek

Dán kry haar voete ‘n afdak

 

©Marieta McGrath

Marieta McGrath. Verkeerdevlei limeriek

Monday, November 8th, 2021

 

Oom Adam du Toit van Verkeerdevlei –

Kom Sondag, dan’s hy by Bekeerdevlei

Kom Maandag, dan weet hy

Nou-nou maar eet hy

Weer saam met Eva verkeerdevy

 

© Marieta McGrath, 2021

 

Marieta McGrath. Sareltjie Slaplê van Klawer

Friday, October 22nd, 2021

 

Sareltjie Slaplê van Klawer

Het heeldag gedut in die hawer

Toe steek hom ‘n wespe

Net onder sy gespe

Sareltjie Styfstaan van Klawer …

© Marieta McGrath, 2021