Andries Samuel. in die langpad
in die langpad 1
die karoo se grond
wys in letselpante tussen bos –
van onder aardkorste gestrand
soos arke bo-op kegels sand,
bloei harde poeiers los
platbreeksels rots verkrummel sag –
skilfer klip, so asof dit lig
wil opdryf nes die kwaste bos
klipuitrifsels knoets wortels
op die hemel in
van waar dit weer silwer lek die hoofpad af
kom van voor en onrusbarend
karre wat verbyskiet
soos oë wat knip
verganklikheid die kleur
van skaap en populier
© andries samuel, 2011
