Besetzung
Vir lank was jy
in my gemoed
soos ‘n droogte
geteisterde gebied:
gebid om die reën
van jou aandag,
leibeurte afgewag,
die stofstorms van jou stilte
gade geslaan.
Selfs die Landbank
het die lenings
van jou liefdevolle lyf
ópgeskort.
Toe ná ‘n biddag
vir reën
spoel alles weg.
Ek verlaat ons kleinhoewe:
uitgeboer en bankrotverklaar,
trek weg,
sonder ‘n transport-akte
of hoop op ‘n nuwe staning
onder die sterre met jou.
© Joan Hambidge/ 2013
briliiant