get over yourself
Ek weet byna presies wat’s fout met ons. – Toast Coetzer
daar sit
’n rooi sekelmaan
langs my linkeroog
se kornea,
bloed
het deur die nag
uit die hoek uit
gesyfer
my een
onderste molar
is al vir jare lank
’n oopgroefmyn
wat ek met
repair & protect
wegborsel,
wegdink
meer suid,
in my lae rug,
sit ’n haarlynbreuk
ná die lyf
’n vallende
gimnas
van die rekstok
moes red
maar gelukkig
werk
die hydraulics nog,
en die onderstel
hang net
so nou
en dan
uit
(c) Johannes Prins / 2014
Van donker na lig – lieflik! My glimlag is amper pynlik!
Eina, maar dankie…Ook sien mens ander wat way erger lyk en moet voel.