ma sny ‘n rokspatroon uit ‘n ou koerant:
16 augustus 1977
die skêr girts-girts deur verbleikte papier
skuins by elvis se kop verby
tot by ‘n liriek: blue suede shoes
haar hand huiwer vir ‘n wyle
ag siestog sê sy, nou het hy ook geoorly
maar hy het darem lekker heup geswaai en laat waai
nou sing hy underground, spot ouboet
met termiete wat knaag aan sy wooden heart
die skêr girts-girts deur verbleikte papier
terwyl blue suede shoes versnipper tot woorde sonder akkoorde
© Thomas Deacon, 2020
Dankie vir die lekker lag met die lees van jou pittige gedig.
Inderdaad lieflik!
Lieflik!