vars brood en botter
vir homeros
die ou vrou met die haakneus
maak die veiligheidsgordel van haar besem vas
en vlieg deur die kombuisvenster
óór die straat, déúr die park
tot by homeros die griek se bakkery waar sy digterlik baklei
oor ‘n tekort aan botter en brood
maar kin-in-die-hand dig hy:
bokkie bokkie hier’s nie botter
bokkie bokkie hier’s nie brood
vars brood en botter maak ou digters dood
© Thomas Deacon, 2020
Dis nou plesierig, Thomas!