Christo van der Westhuizen. Openbare dele

Post-Koronagedigte

 

Openbare dele

 

ek dra ‘n das

en ‘n masker

wat netjies pas

 

tot my verstomming

steur niemand hulle

aan my vermomming

 

trouens, ek verbeel my

ek’s nou een van die kudde

soos Sol en Gobelet

 

het ek maar vroeër geweet

aan jou openbare dele

word mens gemeet

 

wys nou net jou neus

of jou groot smoel

en dis klaar met Kees

 

so dra jou masker

en abra kadabra

jy’s ‘n makker

 

© Christo van der Westhuizen, 2020

 

Bookmark and Share

Los kommentaar

 

*

  •