wanneer jy geleer het
om op die wind te wieg
en om jou gedagtes soos wingerdblaartjies
deur die eter te laat vlieg
is jy vry om woorde
soos spikkels in die lug te strooi
met die verwagting dat dit
na baie dae sal terugkeer as verse
op ‘n gedekte nagmaalstafel
waar brood en wyn
alle vrese vir kritiek sal laat verdwyn
© Thomas Deacon, 2020
Daar is ‘n leer van nagmaal na bruilof (van brood en wyn na resepsie)!