Ons liefde as ‘n rympatroon
Met ons ontmoeting holorym:
klank en klink dieselfde: myn.
Ons beweeg dan flink na binnerym
en snags tot diep in gepaarde rym.
Met sy koms uitmiddelpuntige rym,
heel misplaas toe hy jou ont-rym.
Soek na ‘n rymwoord vir gekruiste rym:
staan versteld voor die dwang van pyn.
Nou bokkie, is dit vir jóú eindrym;
en vir my, helaas alweer gebroke rym.
© Joan Hambidge, 2021