Alwyn Roux. Ondergang

 

Ondergang

Na Czselaw Milosz

 

Die dood van my pa is soos die val van apartheid

wat ’n magtige weermag, generaals, en sammajoors kommandeer

met kommando’s en Casspirs en Recces,

maar nou sal hy geen grens meer bewaak nie,

hom in geen doodsakker meer begeef nie,

omdat sy mag gebreek is, sy bevolking verstrooi,

sy grond wat eens ’n oes ingebring het, met distels oorgroei,

sy god is vergete, sy taal verlore,

die aksente van ’n nageslag op roetes van wêreldstede.

 

© Alwyn Roux, 2021

 

Bookmark and Share

2 Kommentare op “Alwyn Roux. Ondergang”

  1. Joan Hambidge :

    Hierdie vers het my geraak. Sterkte met die proses.

  2. Alwyn Roux :

    Dankie, Joan.