Versindaba
~ 'n Weblog vir die Afrikaanse digkuns ~

 

Walter Komoetie

 

My vriend sê vir Fady

– sê vir my:

“Laat hom rond

in boeremond –

verlos sy hand

van ma

se rok

se pand!”

 

Miskien soos ʼn ander vriend Benjamin dit ook stel

– baie soos Benjamin Komoetie ook moes vra –

is die magistraatsman dan god?

“Al is hierdie bas van my wit

en hare bruin,

is ek Komoetie, wel-edele heer –

sy bly my ma, my baas!”

 

Solank ou Benjamin kan dans

solank hy kan sing –

vir Nina -liefde- op die ou end bring

– en al moes hy oorgaan bosmens toe –

– en al moes hy lang draaie stap terug na Langekloof –

is hy soos Benjamin dit stel: dalk nié Komoetie op papier

maar ook ʼn westerling wat die Groter Taal kan sing

 

© Bester Meyer, 2022