Jennifer Pape. waar daar eens ’n see was

 

 

 

waar daar eens ‘n see was

 

op hierdie plek hier waar ek nou staan

tussen bitterbosblomme en stapels klip waarlangs

’n skaaphond waak oor kaalgeskeerde skape

was daar eens ’n see

ek weet dit want onder my voete

is die fossiel van ’n vis en twee verdrinkte vroue

teen die heuwel is oorblyfsels van hul huis

gebou met skulp en klei

en daar is ’n waterigheid in die verte

soos sweet op jou vel

toe jy nog bokke gejag het saam met !kweiten-ta-//ken

oor hierdie karooveld

waar daar eens ’n see was

 

 

Hierdie gedig – ’n inskrywing vir die jaarlikse AVBOB Poësiekompetisie – is in die AVBOB Poësiebiblioteek gepubliseer, en word herpubliseer met toestemming van die AVBOB Poësieprojek. Klik hier om toegang tot meer as 17 000 gedigte in al 11 amptelike Suid-Afrikaanse tale te kry: https://www.avbobpoetry.co.za/Poem/ViewAll

 

Bookmark and Share

Los kommentaar

 

*