Joan Hambidge. Opruiming tien

 

Opruiming tien

 

Dromende denke, denkende drome:

liggaamlike ongerief soos slaaploosheid

begelei en bedraad immer the force of poetry.

 

Niemand waarsku jou oor die krankheid

van dié proses gesien as heling of genesing.

Verlam deur ennui word ‘n asbak jou leidraad.

 

Knipperende oë wat leuens moet verdoesel.

Dubbelpraat, knoeispraak, ‘n lem in die rug

in naggesprekke met drome wat teëpraat.

 

Eers was dit ‘n asbak vol hartstogte uitgebrand;

nou ‘n nuwe ruggespraak met tekens-as-teikens.

Sy het immers gelewe ter wille van die skrif?

 

Kort-van-draad, hierdie proses intens gekoppel

aan die onverwagsheid van die bliksemsegging:

alles soos beurtkrag met drade ontkoppel.

 

© Joan Hambidge, 2022

 

Bookmark and Share

Los kommentaar

 

*