heeldag met ‘n visstok
heeldag met ‘n visstok op my kop
vang die fladderende blaar
die berg uitgeëts in lig
die wolk wat van vorm verwissel
om leuens mee te maak
snags ondergronds
die niksvermoedende hoek
stil lang wag
die waarheid vang
bedags opkap en uitstal as visgereg
‘n mirage
waarder as die waarheid
©Marieta McGrath, 2022
Ek geniet diè.
Jy het die regte aas en jou hoeke is skerp.