A process in the weather of the heart
Ina Gräbe
Die stilte van sneeu
woorde in ‘n woordeboek
van ‘n onbekende taal
die dood van ‘n digter
soos ‘n motor in ‘n sneeustorm
ónopspoorbaar onsigbaar
die wit in die poësie
wat iets verklap verraai
van ‘n oorgang tussen iets
tot tekens wat bly beweeg
delesie tot verskuiwing
“the golden shot storms
in the freezing tomb”
deur die modelleser ont-vries
van lewe tot dood bly
die hiërargisering van metafore
(Dylan Thomas) alleen tersaaklik
die allerstilte van sneeu
© Joan Hambidge, 2022