soos uit diepe slaap ons drome
is jy nie ook so moeg
vir die enkodeer die dekodeer die sinjaleer
die deskripsie die transkripsie die inskripsie
die rookseine die posduiwe die morsige kode
die deurlees die mislees die nie gelees nie
die skaam krul van mondhoeke die geligte wenkbrou
die skalkse loer die ongesiene kyk
die het hulle gesien
die het hulle nie gesien nie
die kringloop van
die volg en ontvolg
die blok en ontblok
nie?
kan ons nie maar
die lokvalle ontknoop
à la van wyk louw
nie?
fokkit vat net my hand
en sien of die syn land
of nie
© Mariëtte van Graan, 2023
Remember that the AVBOB Poetry Competition reopened on 1 August 2023. Visit our website regularly at https://www.avbobpoetry.co.za/ for editing tips and advice as well as updates about upcoming workshops.
Wat ‘n wonderlike gedig!