Slaaptydstorie
Vertel vir my ‘n storie
Kaapse laataand woorde
soos sandspore op die strand.
Oor Florence se Ponte Vecchio
beloftes op die nessiebrug
vasgeslot vir skemertyd-onthou.
Vertel vir my ‘n sprokie
van sneeubedekte bergstrome
rotsstrande en slingerpaaie
nes die kaartlyne van jou lyf.
Want jou hande is my tuiste
en jou hart my vir altyd huis.
Maar jou woorde is almal klippe
en jou lippe ‘n vuis.
© Albi Prinsloo, 2023
Remember that the AVBOB Poetry Competition reopened on 1 August 2023. Visit our website regularly at https://www.avbobpoetry.co.za/ for editing tips and advice as well as updates about upcoming workshops.