Saretha Benadé
Maria
Maria, was jy bang toe jy en Josef moes vlug
daardie nag op ‘n donkie se rug
wat het deur jou kop gegaan
toe jy besef jy stap die pad wat God sou baan
was jy angstig toe julle nêrens plek kon kry
en jy besef jou tyd is baie naby
hoe moedeloos moes jy voel
hoeveel emosies moes oor jou spoel
ek is seker as jy kon kies
sou jy iets anders as ‘n stal verkies
toe jou pyne begin het niks anders meer saak gemaak
as die Kindjie wat soveel lewens sou raak
toe jou Kindjie gebore is
kon jy uiteindelik rus
jy het Hom in doeke toegedraai
ek glo vir jou was Hy vreeslik fraai
jy het Hom seker styf teen jou vasgedruk
sekerlik oneindig groot was jou geluk
het jy toe besef wat jou doel was
en dat alles soos ‘n legkaart perfek sou pas
was jy verwonderd oor die herders se verskyning
toe jy besef dat ‘n engel hulle tot by die stal moes bring
was jy verstom oor die wyse manne se geskenke
en was al die gebeure ooit in jou denke
Maria, geseënde vrou
God het jou spesiaal gekies en vertrou
om Sy Seun in die wêreld te bring
om sodoende redding vir die wêreld te bring
Maria, besef jy hoe groot was jou taak
hoe baie harte jy nog sou raak
Maria, geseënde vrou
God het toe wel Sy belofte gehou.
*
Saretha Benadé
Stille nag
Stille nag, heilige nag
hierdie nag, só vol prag
toe die Heiland gebore is
om finaal sonde uit te wis.
Stille nag, heilige nag
die Heiland só lank verwag
uiteindelik in ‘n stal gebore
onder die klank van engelkore.
Stille nag, heilige nag
vol majesteit en krag
herders en wyse manne het hulde gebring
aan die lank verwagte Koning.
Stille nag, heilige nag
sing engelkore so sag
‘n lied wat almal kon hoor
‘n lied wat vandag nog bekoor.
Stille nag, heilige nag
só klink dit nog vandag
eeue ná daardie nag
sal ons steeds die Heiland verwag.
*
Anne-Marie Bartie
vyfde goewerneur van Judea
onder Tiberius presideer jy verhoor
pro-forma regter ʼn swakkeling met mag
diabolies, die duiwel met gereedskap
ʼn houtkruis op jou voorkop ingeëts
in die naam van Godsláster, essensieel gemóór
regspraak gelewer
deurboor die hande van die mens
dan vra die helleveeg kondonasie
was die bloed van die mens van sy hande af
forseer die dolk van vergifnis in sy eie hart
en in een swaardeveeg lê sy kop skeef langs sy lyf
komiéklik dood
op die vleuels van ʼn engel is jy hemel toe
asof jy self saligheid gebring het
Pontius, jy word deur alle volke geseën
Amen