Die Ander
Ewigheid is ʼn vervolmaakte vorm
van gemeenskaplike eensaamheid– Yehuda Amichai
Om jou te probeer soen is ʼn oneindige vorm
van vae woorde, ʼn soen in die lug,
baie dinge moet nog gebeur
voor ek die totaliteit
van die oomblik
kan versaak
deur ʼn vergelyking van hart
Jy het gesê vryheid is in God gesetel
maar ek was skepties
en het my op woorde verlaat
om een–saam te vergaan
aan die begeerte
wat alle begrip en tyd omvat
om terug te keer in die woord
is die trajek wat altyd
op soek sal wees na jou
aan die anderkant, ʼn absolute ander
se menslikheid: een kant, ek walg;
aan die ander: Jý, goddelike glorie
en tussenin ʼn leemte
wat jou spoor altyd sal volg
– eindeloos – buite tyd
tot in lengte van dae
om te eindig
juis waar ek begin het
© Bester Meyer, 2024
The AVBOB Poetry Competition reopens on 1 August 2024. Visit our extensive archive at www.avbobpoetry.co.za and find inspiration for your writing by reading the work of other poets in all 11 of South Africa’s official written languages. Follow us on social media for news, announcements and opportunities.