Marlise Joubert. wanneer ‘n ambulans (M)

 

wanneer ʼn ambulans

 

straataf ry om middernag

 

wanneer ʼn ambulans

agter die tuinmuur straataf ry

bars kopligte tussen blare deur

 

wanneer ʼn ambulans straataf

 

breek die sirene in skerwe

teen my kamerkantgordyn

draai kaleidoskopies weg

 

wanneer ʼn ambulans

 

in die donker sluit my oë dig

teen sirkels lig en blare

soos lank gelede my hart

 

wanneer

 

word ek wakker

in die oopoog môreson

skerfloos in die doodse

 

stilte van ʼn gordyn

 

© marlise joubert/2024