Joan Hambidge. Ek is

 

 

Ek is

my parenteses

my aanhalings veelvuldig

my medaljes sertifikate ensomeer

min of meer

ek is my dubbelpunte

verswygings verdraaiings verbye

vertolkings en versmagtings

meer of min

verliese verdriete verlatings

ballades vrye verse sommer die hele boksemdaais

kommas kommapunte ensomeer

ek min nie meer meer nie min

nie in iets nes ‘n gedoemde sonnet

of iets wat ruik nes ‘n ek-is-dalk-hier

 

© Joan Hambidge