Fasette van jou wese
Hoe sal ek jou lewe kan beskryf
as ek vandag ’n skildery moet verf?
In die bont van ’n reënboog palet
hoor ek die kwiksilwer van jou lag
en verdwaal ek totaal en al
in die koningsblou van jou kyk
terwyl jou lippe pruil
in protea-pienk.
Tog, sien ek ook
in die hartseer buitelyne
van jou sagte mond,
die woestyn-bruin kepies
waar rooigranaat einas
uit ’n vergange verlede
jou steeds knel en byt
dan wil ek jou koester
met die hitte van ’n
botterblom-geel son
sodat jou denke weer
bruidswit kan skaterlag.
© Anzé Bezuidenhout, 2024
Anzé, dit is eina mooi ….
Baie dankie Elna vir jou saamlees en voel
Wow! Dis mooi…
SArel ek kan net met nederigheid dankie sê vir jou saamlees en kommentaar