Dit was net ‘n dagdroom Sondagoggend
waar ek haar sien in hierdie nette tuin
met waterdruppels
op haar pragtige lyf
ek sien haar sierlik
in hierdie skoonblou swembad duik
sy borrel soos altyd op
met haar lieflike lawwe kop
knipoog vir my
giggel en vra
wil jy nie inkom
inkom nie
kom
die lente is weer hier, so
kom dryf saam met my
ek sal jou hand vat
ek weet
jy was altyd gans te bang
vir my
en ek gaan in
ek is nie meer bang nie
ek is nie meer kwaad nie
want sy is hier
vir my
© Annora Eksteen, 2024