Hannes Visser is in 1957 in Roodepoort gebore. Na tien jaar in die privaatsektor waar hy o.a. ‘n kunsgalery en raamwinkel besit het, is Visser in 2002 terug onderwys toe. In 2011 verlaat hy die onderwys en verhuis vanaf George na Oudtshoorn waar hy tans as redakteur by die Oudtshoorn Courant werk. Hy is ook ‘n kunstenaar en ‘n geakkrediteerde lewensgids en geleentheidspreker.
Visser skryf sedert 2006 gedigte, rubrieke en kortverhale en het al verskeie pryse vir beide poësie en prosa by die Bloemfonteinse skrywersvereniging se landwye kompetisies gewen. In 2012 gee hy saam met 11 ander digters die bundel Boksemdais 2 uit en in 2017 word van sy gedigte ingesluit in Nuwe stemme 6. Sy debuutbundel, Die jaar toe pa … , verskyn in 2019 by Naledi.
Nota van die Versindaba-redaksie: Ons wil graag nuwe en ou digters aanmoedig om vir ons bygewerkte profiele aan te stuur na taljard.marlies@gmail.com.
Van ‘n digter wat al een of meer solobundels by ‘n erkende uitgewer gepubliseer het, versoek ons die volgende:
-
-
- ‘n Redelik onlangse foto in JPG-formaat
- ‘n Lys van publikasies (ook die belangrikste niepoëtiese publikasies)
- ‘n Kort lewenskets wat inligting bevat oor o.a. waar en wanneer jy gebore is en grootgeword het, waar jy studeer het, watter beroep jy beoefen of waarmee jy jou tans besig hou, waar jy op die oomblik woon, ens.
- Enige ander interessante feite oor jou
-
Skryf asseblief die profiel in narratiewe vorm en nie as ‘n reeks feite onder mekaar nie, ten einde dit meer lesersvriendelik te maak.
Indien jy bereid is om ‘n profiel te skryf oor ‘n gestorwe digter, laat weet my asseblief by taljard.marlies@gmail.com.