Die Boland
Ek was alreeds in al die metropole rond
Londen, Parys en Houston in die Texas staat
het ook in Edinburgh en Glasgow
met kilt-rokke geruite-bont
riel gedans op die skril doedelsak se maat
in die roemryke Rynvallei
in Duits gesing van die verleidster, Lorelei,
ook Auckland, Bristol en antieke Bath was bewandel
dan van PE waar die winde aanhou waai
na Durban, Dunedin en Belfast gereis
tot by Ierland se Kilkenny, Limerick en Galway baai
het voor klasse in Pretoria en Poland gestaan
en vandaar af aan
besef:
die Goudstad is ’n laaste moet op my lys “om nog te doen”
want ek wil deur daardie blink
Paarl-hek gaan wat vir my wink
oor kalkwit gewels, blou berge en groen gewingerde valleie
eendag deur die lugpad ry
om op my eie langs Hom
by die lewende Waterkant te staan
en te hoor hoe word Kaaps-Afrikaans dáárbo verfyn
want die Heerengracht — ‘n goue straat—wag daar vir my:
ek het die Boland op die brein!
© Meyer van Rensburg, 2024