Volg die lig
waar stormwinde loei
deur gebarste mure
en oorlogsvure skroeiend flikker
oor verpletterde gemoedere
kerm ‘n nasie verwond
stuur wierook ten hemele
tussen vernielde skares
tree ‘n kindjie rein in wit geklee
triomfantlik na vore
lig met ‘n ferm hand
die menorah hoog
en beveel: “Volg die lig …”
vir ons was gestuur ‘n voorloper
‘n lam ter slagting
wat uitkoms kan bring
lofliedere tot redding sal sing
les jul dors met sy bloed
voed jul honger met sy liggaam
want Hy is die lig
die lig wat redding bring!
© Driekie Grobler, 2024
Lieflik, soos altyd Driekie.
Hoe kan ek jou ooit vergeet? My boek is te danke aan jou. Werklik goed om van jou ook te hoor.
Mooi Driekie!
Dankie, Annie, waardeer.
Volg die Lig.
Driekie Grobler dit is absoluut onbeskryflik pragtig. Sjoe!!!
Baie groete,
Petrus Visser
Dankie, Petrus, goed om weer van jou te hoor.