Diere met diepte
ons is tog maar net diere
met diepte
’n pels gemaak van vel
’n raamwerk van been
bly ons
die gevaarlikste een
ons kan woorde preek
maar ons dade
laat ons wêreld in die steek
na ‘n ewigheid
aangetrek in pels en been
word ons vlees en die aarde
weer een
ons siele vertrek
na ‘n hoër plek
ons keer terug na Hom
begin as sterrestof en been
terug tot as
in die grond
alleen
gelyk in die reis
gesketsde been en
die sterkste een
wen
dis ‘n oorlog om te oorleef
‘n konstante gejaag
na meer
gaan ons die jagters wees of
gaan ons gejag word want
sonder ‘n geweer
skets ons liggaam
in eerlikheid
net hoe broos
ons werklik is
ons is diere met diepte
en die sterkste een
wen
© Rou Praat, 2025
Kunswerk: Undertaker deur Diane Victor
Bron: https://www.artprintsa.com/diane-victor.html
(Agtste kunswerk wat op die web-blad verskyn)
