Hierdie lewe
Op hierdie wintersoggend
lesend aan Karel Schoeman
se Hierdie lewe net ‘n kort berig:
stemme geplaas teen stiltes,
veral teenstrewige kiltes eindeloos.
Jou vriend Christiaan Diedericks
sluit nou ook by jou aan;
sy etswerk van jou, ‘n geskenk
aan my, daardie grinterige een
met jou hande gestut teen jou kop.
Dit was geplaas op die voorblad
van Die algebra van nood inder se tyd,
wyl ek rymwoorde soos die dood vermy.
Geliefde vriend, oor daardie groot stilmaker:
gewikste naginbreker só absoluut genadeloos.
© Joan Hambidge, 2025
Mooi!