In hierdie koue hel
Luister luister luister wie daar fluister
die dood maak ons gelyk met die grond
in hierdie winternood onvermurfbaar
word alles só selfs dié eiesinnige boekhou
met my as noktambulis okklusief duister
Luister luister luister wie daar fluister
jou stem elektronies steeds beskikbaar
vertel van jou grond toe jy verse voorlees
die plaas waar jy as kind in die veld leef
steeds na my roep in drome se ondergrond
Luister luister luister wie daar fluister
Luister luister luister wie daar fluister
© Joan Hambidge, 2025