Tussen tale
overhandig mij brekend
je peilloze bloem je kus
als een dar dolzinnig drijf ik
op het aquarel van de dorst
Lucebert
‘n Dooie bytjie op die bruin vensterbank,
‘n dar in Nederlands, inderdaad nou ont-zoem.
Dar es Salaam bedui glo ‘n Huis van Vrede;
Ook pêrel, aarde, selfs berg in Hebreeus.
Iewers praat jy van die laaste dae wat ylings
swerm soos bye; elders van die sondronk bye
op ‘n swaar tong, dalk whisky on the rocks?
Van Lucebert tot Olga Kirsch, van Arabies
tot Hebreeus, van hier tot daar
bly dit immer ‘n akwarel
van ‘n dors:
onlesbaar.
© Joan Hambidge, 2025
Dit verskyn binnekort in ‘n dagblad. Dan sal ek dit vir jou uitgewer aanstuur. Nie voor publikasie nie.
Dit verskyn binnekort! Koerantresensies word nie voor die tyd uitgestuur nie.
Hierdie leser is positief oor die bundel.
Joan, In a vorige bydrae het jy gese dat jy besig was met n resensie van my bundel. Ek sou dit graag would sien, asb.