Immerte
Soos duiwelsbrood is die digkuns
‘n noodoproep net ná middernag
sketter ‘n inbraak of bergbrand dalk
die selfoon sketter geen oproep
wys geen nommer onbeantwoord
in grys daglig miswolke treurend
oor die berg vanoggend loodswaar
soos my hart met jou wat bly roep
uit daardie oord ‘n snel grys fantoom
oor die meervoud van verdriet ons
als vertel in jou algebra van nood
ja die digkuns is net duiwelsbrood
© Joan Hambidge
Knap, en aandoenlik, dié gedenking.