Bloedmaan
Weer sal die maan agter die aarde
inskuif daardie maan waarna ons so staar
sawends Buzz Aldrin was mos the second man
on the moon tot latere reise na ander
ruimtes soos uit Tunisië na Parys bewaar
in 2019:
Die maan gesekel
deur ’n vliegtuig-
venster gewaar:
’n geel katoog
van onder skroei
die rooi gloed
van die opkomende son:
die Moeslem-land
verlaat waar
opstand
broei
Die eklips o the total eclipse
of the heart op die maat
van Bonnie Tyler tot
hergeboorte
‘n boodskap van die gode
tot die penumbra:
skadukant wat alles
op ‘n mespunt plaas
in ‘n geslote baan.
© Joan Hambidge, 2025