stormagtigheid
o die stormagtigheid van die see
laat my met vrees daarna kyk
die skulpe word hardhandig uit die pad gevee
maar die visse wend ‘n poging aan om dit te ontwyk
o die stormagtigheid van die see
laat my dink aan die aardse gewoel
die motors se dreuning doen daaraan mee
maar die treine se bewegings het afgekoel
o die stormagtigheid van die see
laat my sidder oor die storms in my
want dit is met die ouderdom beklee
sonder twyfel is dit moeilik om te vermy
as die storm ‘n sug van verlugting snak
is my apokaliptiese hoop nie geknak
© Hennie Maartens, 2025