Advent
Digby Jerusalem teen die Olyfberg
beveel Jesus twee dissipels
om ‘n donkie en ‘n vul te kry;
nederig dog triomfantelik oor
‘n pad van palmtakke gery
met Hosannas vóór die kruisiging.
Hoe vier ons die Adventus Domini
op die eerste Sondag met die intog
tot die koms van die Verlosser?
Op die derde Sondag word Johannes
die Doper geëer en uiteindelik:
op die vierde en laaste Sondag
die geboorte van die Jesus-kind.
U inkarnasie word nou opgeteken
met ‘n bamboeskruis ontvang
van ‘n priester indertyd op ‘n trein
iewers tussen Boston en New York
my toegelig oor die betekenis
van die epifanie op daardie kersdag
lank voor 9/11 of oorloë in Gaza.
Alles vertel oor die ewige sirkelgang
van geboorte tot Opstanding.
© Joan Hambidge, 2025