Desembergedig
Vrykoop
Teen die twaalfde maandlig
het die gode
vuur en vlam
die rou geskaafde enkels ontketting
en die voete was vry en die paaie vol
Vry-vernuf het soos golwe geslaan
drome het gespier
en ure is in jubel-pienk gebaar
en die twaalfde maandson was tevrede
die gode kon weer vars brood breek,
die goeie wyn sluk
Maar in die eerste donkermaand
is die kettings terug oor die enkels geslaan
en die mens het voel-voel blind verdwaal
en die gode
het gegaap
die wyn bitter
die brood droog
©Sanette Scheepers, 2025
Ek hou daarvan en ek verstaan die inhoud.