Desembergedig
My Magnificat
dit was ‘n stille nag in Afrika
die jare het net begin loop
oor velde wyd en oop
weerklink haar stem uit Nasaret
“Hy het Isreal te hulp gekom
geslagte sal my onthou
vir Sy guns my toegekom
Gloria in excelsis deo!”
dit was ‘n stille nag in Afrika
die jaar 2000 na Christus
oor velde wyd en oop
eggo haar stem uit Swede
“I want to feel I’m alive,
knowing I was enough
to be strong and to be free
Gloria in excelsis deo!”
nou sit ek onder sterre wat blink
dit is Desember’25
in die suide van Afrika
ek wonder en ek dink
aan Isreal se loopgrawe
vol geraamtes, drome begrawe
was julle loflied verniet
Maria & Gabriella?
het geslagte julle vergeet?
Stille nag, Heilige nag
slegs Maria, geseënde vrou
ek sing vir jou
my Magnificat
© Elisma van zyl 2025