Bernard Odendaal. Dissonant

 

Dissonant

 

Ek sluip die veervolkbewoonde trosdenlanings langs, soek-

soek, windbuksloop en -korrel hangend. Hoek-

om, verby hoender-

en boerbokhokke en melk-

stalle, Pa se Harmonie se roesemoes-

boerdery – om die alomgekraai en -kekkel,

-getjilp- en -bulk, -gekoer en -blêr af te luister,

op die spoor van aldagluister af

te luister … Hoe-

kom? Vir

’n later-

e dalk-

se ge-

dig?

Toe,

groen gecollar, geel getie, kom ou eksoot

die bek ’n slag of twee slyp oor ’n

tak, kom aftakelend bok-

makierie! bok-

makierie! die

dag se rym-

e kleim …

Korrel.

Kol-

!

 

© Bernard Odendaal, 2026