Bloedmaan
Vir Liza Albrecht
Vanoggend verneem ek
jy het vertrek: volmag,
‘n laaste testament, tekenregte;
vir dáárdie reis wat altyd wag
op algar, bereid of onvoor-
bereid, arm of ryk, gesond
of siek: ‘n buigsaamheid
van verdriet en reisrubrieke
vir jou saamgesnoer: immer vurig.
En vir jou uitvaart, dit weet ons,
net iets sobers, sekans sal deug.
Dis net, dis net, die hereweet,
of jou laatgaan ‘n penumbra
word: ‘n skadu in my gemoed:
langsaam, implisiet, só imperfek.
© Joan Hambidge, 2026