Versindaba
~ 'n Weblog vir die Afrikaanse digkuns ~

Ons leef die lewe van kring tot kring

in diepe verwond’ring oor menige ding.

Druiwe word gepars, mense gelouter om

midde-in pandemies en sterstondes die lewe te besing.

© Elisabeth Hentschel, 2021

71

Kom dans, Klaradyn,

en klink saam met ons ʼn glasie wyn

op die kosbaarheid van lewe, en die wete

dat die môrester ook in die pandemie-donkerte skyn.

*

72

In die nagstilte van die inkluistering

hoor ek die magiese fluistering

van die herfswind wat deur die wingerd ruis

en die lieflikheid van ʼn nuwe oes besing.

© Elisabeth Hentschel, 2021

Galileo Galilei het hom nooit ooit van stryk laat bring,

nie eers toe die Buboniese plaag in Italië uitkring.

Galileo Galilei het steeds na die sterre gekyk en ‘n boek geskryf,

soggens ‘n goeie wyn gedrink, gebid en ‘n nuwe lied gesing.

© Elisabeth Hentschel, 2021

(9)

Brood en wyn

Met brood en wyn,

in liefdevolle samesyn,

vier ons die lewe se mooi, ook nou

midde-in pandemiepyn.

© Elisabeth Hentschel, 2021