Mcebisi Jonas se das
heit hy lasso so die aanwysers wat digitaal bly flits en om
geboue krul? menéér, hy wikkel sy maroen das los
en lees. hy ignoreer maar respekteer die sauk-mikrofoon
as power septertjie van vrot party-gepolitiekery. 150 cm
is die mate tussen voorgee en jou werk bly doen,
in geel of groen of swart of ook maroen. hy hopwieg
ongemaklik lig en op die maat van senuwees. hy lees
in daardie stem die teendeel van die backroom bariton
die kickback kakpraat keelskoonmaak en mag se flou
gesmoorde brombromlag. wat van: hy sak die modieuse
galgtou van sy vroeër stilbly oor sy kop? sy saxonwold-
satynerige strop? hy praat net want die Ouman is nou swak?
of: trek sy mond skeef soos die krom knoop van sy das as
vasbeslote hierdie-bondel-sal-ons-deur-moet-hak? saggies
gly geskiedenis hier deur die bindsels van ’n informele
deftigheid, ’n mou oprol, ’n vas en los en tog ook vreemde
albatros, ’n ek is nou bereid.
© Loftus Marais / 2016
Was mnr. Jonas nie miskien ook eers deur die groot vis voordat hy begin praat het nie? Waar kom Loftus Marais se albatros vandaan? Ek wonder net.
Ná die bevreidingsparty se NEC
byeenkoms in Irene, moet ons terugdink
aan Stauffenberg en die klavierdraadlus?
Hou swak was daardie “Ouman” toe?