Die winkelbestuurder van die Tesco Supermark in Coventry (Engeland) sit met ‘n interessante probleem, naamlik ‘n sluipdigter wat gedigte op strategiese plekke in die winkel laat. Meestal met ‘n negatiewe konnotasie ten opsigte van die bepaalde produkte, soos die gedig “Deer” deur Kenneth Rexroth, met die trefreël: “They hurt no one but themselves” by die vleisafdeling gelaat is.
Vantevore is daar glo ook anonieme boodskappe op die rakke vir verslankingsprodukte gelaat wat proklameer: “You don’t need these chemicals” en: “STOP counting calories! YOU LOOK GREAT”.
Volgens die Coventry Telegraph is ‘n grootskaalse soektog van stapel gestuur na die sogenaamde Supermark Shakespeare in hul midde. Aangesien die winkel in Cannon Park (Coventry) glo na aan die Warwick Universiteit geleë is, bestaan die vermoede dat studente vir die geïnspireerde foefie verantwoordelik is.
Mits dit natuurlik nie die winkelbestuurder self is wat buite die bottel begin dink het nie.
Nietemin, een van die gedigte wat groot opslae in die bakkery veroorsaak het, volg hieronder. Immers het die vigilante goeie smaak.
*
Bread
for Wendell Berry
Each face in the street is a slice of bread
wandering on
searching
somewhere in the light the true hunger
appears to be passing them by
they clutch
have they forgotten the pale caves
they dreamed of hiding in
their own caves
full of the waiting of their footprints
hung with the hollow marks of their groping
full of their sleep and their hiding
have they forgotten the ragged tunnels
they dreamed of following in out of the light
to hear step after step
the heart of bread
to be sustained by its dark breath
and emerge
to find themselves alone
before a wheat field
raising its radiance to the moon
© W. S. Merwin
Uit: The Second Four Books of Poems (Copper Canyon Press, 1993)