Onthou
Begrawe my in die populierbos
op die oewer van die stroom
tussen knoppiesblaar varing en klipmos;
waar die Suiderkruis
oor die koppie hang
en die jakkals kwartmaan nag
na sy maat verlang.
Begrawe my op die kam van die berg
waar veldkombers turksvy en maroela dra;
waar ons bakhand bid
en altydmaar om genade vra.
Begrawe my waar vergroeide bosbokpaadjies
steeds die voetspore van my kinderdae dra.
© Albi Prinsloo, 2023
Remember that the AVBOB Poetry Competition reopened on 1 August 2023. Visit our website regularly at https://www.avbobpoetry.co.za/ for editing tips and advice as well as updates about upcoming workshops.