Aftelsom
Meteens bevind jy jouself weer alleen.
Vrou en elke kind is elders heen.
Son val in jou kamer
en vind vir tyd en wyl net vir jou.
Asof dit net in jou siel
ʼn rimpeling vind om in te spieël.
Alleenheid is die punt
waarheen jy altyd terugkeer.
Met die jare kurf die passer voller,
word die son weer
kleurvol sag teen die horison.
Een-saam word weer één.
© Etienne Terblanche, 2024