Versoening
Ná ons in die smeltkroes was –
ons het gefight
met bitter tande en taai kloue mekaar getakel en die hemel
verlate, roukeel oopgeskeur –
daarná het ons gesoen
met warm, nat gesigte
mekaar probeer verbind
ons was brandend van die wonde
maar lig, verlig en veerlig ongekneld
tydelik verlos van hierdie wêreld
toe het ek geweet:
Die hemel is ‘n opmaaksoen.
© Marieta McGrath, 2024