Anne-Marie Bartie. die dag toe Nebukadneser kom

 

die dag toe Nebukadneser kom

 vir die kibbutzim van Nir Oz, Kfar Aza en Be’eri

 

7 Oktober 2023

toe die eertse skote klap, ongeveer ses dertig

waar was jy, kollektiewe kind, hipoteties gesproke,

sou jy ontbyt eet of reeds op pad wees

vrolike geweefde kippah op die kroontjie vasgeknip

sou jou oë in daardie oomblik hol van vrees wees

skrikverstard en swart langs jou geboë neus

onbewus van die werklike impak

van hierdie sinister bloedbad op hierdie dag

sou jy vergeefs, oorkoepelend met afsku

die huis invlug …  ’Ima … Ima’ roep

op haar verwronge, lewelose gesig in die kombuis afkom

steeds besig om challah te knie vir die shabbat

die huishond naas haar ( tot die dood toe lojaal)

het jy gedínk jy bevind jouself in hoostuk drie

van die boek van Daniël

dat jy self op pad hellekuil toe is?

 

Ha’shem was jou genadig, jong kind

op die dag toe Nebukadneser kom

 

G-D maar Hoerá!

die wêreld het sy duiwelsmerk

sy drek, sy ewige inkstempel van afgryse

op die hoofslagaar van nog een wese afgeëts

breëborstrots leef oerboosheid voort

staar die despoot met stroewe wenkbroue

ongewapende proteshouers agterna

Verdoem is díe wat verby gloeiende sintelkeëls

in korpus van verdoemde ruïnes wil skuil!

 

© Anne-Marie Bartie, 2024

 

Verwysing:

• (kɪˈbʊts) nounWord forms: plural kibbutzim (ˌkɪbʊtˈsiːm ) a collective agricultural settlement in modern Israel, owned and administered communally by its members and on which children are reared collectively.
• A member of a kibbutz is called a kibbutznik(Hebrew: קִבּוּצְנִיק / קיבוצניק; plural kibbutznikim or kibbutzniks). Kibbutz Kfar Masaryk. In 2010, there were 270 kibbutzim in Israel with a total population of 126,000.
• Ima is used for Moms throughout Israel and also for some Mothers of Israelis or Jewish folk living outside of Israel.
• Shadrach, Meshach, and Abednego(Hebrew names Hananiah, Mishael, and Azariah) are figures from chapter 3 of the biblical Book of Daniel. In the narrative, the three Jewish men are thrown into a fiery furnace by Nebuchadnezzar II, King of Babylon for refusing to bow to the king’s image.
• (ˈxɑːlə, ˈhɑː) noun. a loaf of rich white bread leavened with yeast and containing eggs, often braided before baking, prepared esp.for the Jewish Sabbath.
• Ha’shem — is G-d