Weerdiens deel weer voorspellings
Maroela Media, 1 Maart 2025
Noudat die weer weer onvoorspelbaar is
soos ʼn bedonderde vrou wat buierig
swaai tussen oorstromings en droogte,
noudat die voorspel tot somer yswind is
en winters onverklaarbaar warm,
bring die weerdiens u graag op hoogte:
Stof maar die kristalbal af
en haal die dolosse uit vir goël,
raadpleeg Delfi se orakel
en lees die vliegpatroon van voëls,
want van nou af déél ons weer voorspellings
en maak vir ander menings plek
van wie ook al weer- of onverweerbaar
hul bekke oor die weer wil rek.
© Ilse van Staden, 2025