Woudgesang
(met dank aan Johann, Gunther en Ingrid)
Op die spitse heers geen rus,
selfs die bome is seer bewus
van ‘n bries wat kil in die kruine roer.
Die muwwe muskus van molm en mos
rys bo die harsreuk in ons dennebos,
‘n voetpad van naalde op die woud se vloer.
Op takke sit voëls aaneengeryg,
stilweg in die mis en staar en swyg,
met ‘n spruit wat in die kreupelhout sloer.
Elders is daar rus maar nimmer hier,
oral jou woorde wat deur die lower loer.
© Jakes Möller, 2024