tuiskoms
wanneer jy terugkeer,
uiteindelik berus in jou lot
soos in ʼn safgereisde jas,
en jy ruik na son en see,
die naklank van sirenes
nog sidderend in jou are
wanneer jy terugkeer ná al die jare
en ʼn eggo van jou oorwinnings draal
ten spyte van die verliese,
ten spyte van die leuens,
jou kamerade almal dood
wanneer jy terugkeer
na die onheroïese strate van Ithaka
sonder voorteken of berig,
sal dit die hond wees wat jou herken
en sy grys ou kop oplig.
© Ilse van Staden, 2025