Die sitroenhaai
Die skadurige en geheime lewe
van die sitroenhaai,
in die boesem van ‘n soutmoeras,
in ‘n estaurie, oorgroei met seekoraal,
mangliet en vleigras,
of op die sanderige bodem van ‘n vlak see,
die geel lyf gekamoefleer
en slank, swem hy by my televisieskerm in,
en later sien ek hom in my drome weer,
dié oerboodskapper wat van die doderyk is,
wat geruisloos en stil en sonder woorde,
my herinner aan die vervloëntheid van tyd,
en nou ook aan die rang der vergane geliefdes,
en die onsegbaarheid van spyt.
© Ferdi Wheeler, 2026